..-- ياشوكة ياسكينه ياملعقه --.. <~ كل ماهو جديد ض١

عندي قريبة شوي عليها افكار منسمه..

كانت تشوف الأطفال اذا تهاوشوا ينادون بعض ..ياكلب ياحمار..الخ الخ وماكان عاجبها الوضع
وكانت تشوف عيالها وبناتها الصغار ينجرفون بنفس التيار فقالت لا مايصير كذا..وجمعت عيالها
وقالت لهم ان بغيتوا تتهاوشون..وتسبون بعض لاتقولون ياكلبة وياحماره ..قولوا
" ياشوكة " و" ياسكينه " و " ياملعقه " وباقي ادوات المطبخ

كانت لها نظرة فيها شيء من الواقعيه..تقول حاولت فيهم انهم مايسبون ولكن ماش روح الحرش والمحارش غالبه عليهم ويتاثرون بمجتمع الأطفال الي حولهم..فالحل اني ما أخليهم يعاكسون حتى لاينكسرون وبنفس الوقت يماشونه بطريقة مؤدبة..

عاد دورنا صرنا نسمتع اذا تهاوشوا..نسمع كل ادوات المطبخ من ملعقه...لين قدرذبايح


الطفل مثل ما اشوفه هاردسك خارجي كبير " ==>> يجاري موضة الهاردسك الخارجي " تخزن فيه الشيء الي تبيه
أذكر قبل فترة كنت بوحدة من الدول العربية جانا كم بزر وبزرة حافظين كل الاغاني كنك داخل موقع طرب..اطلب اي اغنيه ويغنونها لك.." ماشاء الله عليهم "...هالأطفال لو انغرزت فيهم اشياء ابرك من الأغاني وهم صغار مهب احسن وافضل لهم..!

هل تؤيد استبدال حمار وكلب بالشتيمة عند الاطفال بالسكينه والملعقه والبلايستيشن والجوال ؟ أم تجنح للمثاليه ونقول لا مانخليهم يسبون أحسن؟

هل هناك تجارب ناجحة بجعل الأطفال مايسبون !

هل سب البزارين للبعض شيء زين أو مو جين ؟

هل تحب البزارين اصلا والا زيي ما تحب الا بزارين العايلة ويالله يالله تتحملهم بعد؟

موضوع خفافي بمناسبة بزارين المنتدى

ههههههاي

سخيييييييييييييييففهه

لبى قلبك والله :$$

:$$$

العفو ي قلبي^^