حكااااااااية اختي سماااااااااسم في الاختبارات

السلام عليكم
ياصباحكم بعد المغرب >>> مدري ليش احس بعد المغرب كأنه صبح
كيف حالكم وش اخباركم وش حالكم ؟
على طاري هالكلام ليش العجايز لاجلسوا في المجلس وخلصت الهرجه
يرجعون يقولون كيف حالكم وش اخباركم >> هذا دليل على بربره الحريم خخخخخخ

اخيرا بدت الاختبارات وافتكينا من اللي في الجامعات صاروا يطسون الصبحيه >> ياهوو ياكبيرة
وبعد اسبوع نفتك من الورعان يروح للمدرسه ويهجدون على كتبهم ااخ تذكرت ايام الثانوي >> لك كم شهر عنها مسويه ذكريات
اذكر العام
في اليوم الاربعاء اللي هو اخر يوم في الاسبوع الاول كان علينا اختبار تاريخ بصراحه الماده هذي دسمه مرررة شكل وزارة التربيه والتعقيد مكثرة فيها السمن والزبده لدرجها نها صارت ماعاد تنبلع
واذكرما فتحت الكتاب الا الساعه 12 في الليل واكتشفت انها صعبه ودسمه واجلس اذاكر واذاكر واذاكر وافتح الصفحات واقلب في هذا الدرس وهذاك لين ما اذن الفجر وانا خلاص شوي واصيح
واقول لأختي انا رحت اجيب لكم العيد ولارمضان بعد والله مارح اجاوب مرة مستحيل
ويوم رحت للمدرسه البنات حالتهم حاله وجلسنا انا وخالتي نتمشى في الساحه ونراجع تصدقون مسكت الكتاب وجلست اعيد وازيد واعيد وازيد في كلمه وحده ولا جالسه انظر في اشكال البنات مسوي فيها اراجع ويوم نظرت في الكلمه اللي جالسه ساعه وانا اعرعر فيها طلع عنوان الدرس
قالت لي خالتي : انت جالسه تحفظين العنوان ترى العناوين مو معانا في الاختبار هع
قلت لها : اسكتي بس هذا من الفلاحه اللي فيني جالسه احفظ العنوان
وتسطحان ضحك عارفه انه شي ما يضحك بس ايام الأختبارات تجيب شي اسمه هستيريا وضحك زايد ماله داعي

وانا طالعه للجنه قلت لصديقتي افتحي ورقتك لي لأني مرة وما ذاكرت زين قالت لي صديقتي ابشري افتح لك عيوني قلت لها ما ابغى عيونك ابغى الورقه
ويوم جات الاسئله طلعت زي العسل الله يحفظ ابلتنا والحمد الله حليت بجهدي انا ما احتجت لصديقتي
وفي الأختبار صديقتي فاتحه الورقه وتقول لي بطه هاااااا وش عندك وش اللي ماحليتيه؟؟؟
وانا مطنشه مررة

تدرون ليش مطنشتها ؟؟؟؟
عشان شفت في ورقتها أخطاء كثيرة مرة واغلب اجوبتها غلط وطنشتها وما عطيتها وجه في الأختبار
لأن اغلب الأجوبه غلط وش ابي منها ومن اجوبتها
المهم سلمت الورقه وطلعت وانا مرة فرحان ومبسوطه عشاني حليت بجهدي
ومن الفرحه جلست في المدرسه وراح عني الباص وانا جالسه اسولف مع البنات وجالسه اتقهوى معاهم وبعدين اتصلت على ابوي جاني

ههههههههههه الله يوفقك
شايفة لما اعتمدتي على حالك وما غشيتي الله وفقك
يعطيكي العافية

شكراااااااااااااااا لك